****လက်ရေးမလှတဲ့ဖူးစာ ****
(ဝတ္ထု တို)
"ပူလိုက်တာကိုရယ်"
"အခုမပူနဲ့ဦး နောက်ပူဖို့ရှိသေးတယ်"
"ဟမ် ဘာကြီးတုန်း "
"သောက ကို ပြောတာ လာ လာ မီးစိမ်းတုန်း
လမ်းဖြတ်ကူးရအောင်.."
"ဟာ ကိုကလည်း မီးနီတုန်းလုပ်ပါ မီးစိမ်းတုန်း
ဖြတ်ကူးရင် ဂန့်သွားမှာပေါ့"
"လျှာ ရှည်လိုက်တာကွာ "
"အင်းပေါ့ အခုတော့လျှာရှည်တယ်ဖြစ်ပြီပေါ့
အစကတော့ကျနော့်ကိုခင်ရင်စကားတစ်ခွန်း
လောက်တော့ပြန်ပြောပါဦး နော် ဆိုပြီး ရေခဲချောင်းသည်မိုးမိတဲ့ရုပ်နဲ့ ဘယ်သူ လဲ မသိဘူး "
နေ ပူပူ ထဲလူတွေကလည်းရှုပ်ထွေးနိုင်လွန်း
သည်ပွိုင့်မိနေသောကားတွေကြားအပြေးအလွှား
ဖြတ်ကာလမ်းတစ်ဖက်သို့ကူးရသည်....
စကားတစ်ခွန်းပြောလျှင် ဆယ်ခွန်းလောက်
ပြန်ကွန့်တတ်သော သူမကလည်း ထုံးစံအတိုင်း
"အာ့ကြောင့်ပြောတာ အအေးဆိုင်မှာပဲ
ထိုင်ပါမယ်ဆိုတာကို တော်တော်ကို ရွတယ်"
"အွမ်.... ရွတာမဟုတ်ဘူးဟ အခုဒီဘက်
သစ်ပင်ရိပ်ဆိုတော့ပိုမအေးဘူးလား "
"အံမယ် မသိရင်ခက်မယ် ပန်းခြံထဲခေါ်
လာတဲ့အကြောင်း များ ဟွန့် မပြောချင်ဘူးနော်"
မြက်ခင်းပေါ်ခြေစင်းထိုင်လိုက်ရင်း
အဆီပြန်နေသောနှာခေါင်းကို မလုံမလဲပွတ်မိ
သည်..
"ဟီးဟီး ဟိုမှာကလူ တွေနဲ့လေ...ချစ်ရဲ့
အခုလို ဟစ်ဟစ် အခုလို.."
"ဘာလဲ နေပြင်းလို့ဝက်ရူးပြန်ချင်နေတာ
လား .."
"ဟုတ်တယ် ပြောရင်းသွားရည်တွေတောင်
ကျ ..အာ ဟုတ်ပါဘူး အခုလို...ချစ်မျက်နှာ
လေးကို ငေးကြည့် လို့မရဘူးလို့ပြောတာ ဟဲဟဲ"
ရှက်ရွံ့စွာခေါင်းကလေးငုံ့သွားပုံမှာ ဆည်းဆာ
ချိန် နေဝင်သွားသည့်အလှကိုကျော်ပါသည်
"မော့ ပါဦးကွာ "
"မမော့စ်ဘူး မိုးဒီပဲ"
ကြည့် ဘယ်လောက် ပွေ့ဖက် ချင်စရာ
ကောင်းတဲ့သေချင်းဆိုးမလေးပါလဲ...
"ကဲ......အဲ့ဒါဆို .. "
"အမေ့....အို"
+ + + +
"ဘာတွေစဉ်းစားနေလဲ ငါ့ရှင်..."
"ချစ် သူအကြောင်း အဲ ချစ်ခြင်းသမုဒယ
ကွေကွင်းရခြင်းသည် ဒုက္ခလို့ဆင်ခြင်နေမိတာ
ပါဆရာတော်....."
တွေးချင်ရာတွေးနေချိန်ရုတ်တရက် ဆရာ
တော် ရောက်လာသဖြင့် စကားတွေမှားကုန်သည်
"အိမ်း ဒုက္ခရဲ့အကြောင်းတရားဟာ
အဲ့ဒီသမုဒယပါပဲ ကိုယ်ဟာ ငြိမိးချမ်း မှုကို
ရှာဖွေမယ်ဆုံးဖြတ်ထားရင် သမုဒယကြောင့်
ဒုက္ခမဖြစ်အောင် ဆင်ခြင်နိုင်ရမယ် မိမိစိတ်ကို
ဥာဏ်နဲ့ထိန်းပြီး စွဲလမ်းမှုကို ဖြတ်တောက်နိုင်ရ
မယ်"
"တင်ပါ့ဘုရား...တပည့်တော် ကြိုးစားမေ့
ဖျောက်ပြီးသာသနာမှာမွေ့လျော် အောင် ကြိုးစားပါ့
မယ်ဘုရား"
"သာဓု သာဓုသာဓု"်
+ + + +
နောက်ကျလိုက်တာ ခုထိလည်းရောက်မလာ
သေးဘူး နာရီကိုငုံ့ကြည့်ပြီးခေါင်းအမော့တွင်
" ဖြန်း..."
ကမ္ဘာတစ်ခြမ်းဆီ လွှင့်စင်ထွက်သွားရလောက်
အောင် အင်အားပြင်းထန်လွန်းသည်ထင်မိ၏
နားမလည်နိုင်သောမျက်ဝန်းများဖြင့်သူပြန်
ကြည့်မိသည်...တစ်ခုခုတော့လွဲချော်နေခဲ့ပြီထင်
သည်.....
အရိုက်ခံရသောပါးကဝက်ခြံထွက်ပြီး
ရောင်နေသဖြင့်ပိုနာလေသည်
"နင်ဘယ်ထိငါ့ကိုဆက်လှည့်စားနေမှာလဲ
လူလိမ်ကောင်ရဲ့"
"မင်းဘာဖြစ်နေတာလဲ ငါကဘာလှည့်စား
လို့လဲ "
"ဒီမှာ ဒါနင့်ဟာမနဲ့နင်မဟုတ်လား "
ဖုန်းဖြင့်ရိုက်ထားသောဓာတ်ပုံတစ်ပုံဖြစ်
သည်..ကျနော်နှင့်လက်ချင်းတွဲချိတ်လျှောက်နေ
သော မိန်းမတစ်ယောက် ..
"အဲ့ဒါနင်မဟုတ်လား..."
"ဟုတ်တယ် အဲ့ဒါငါပဲ ...ဒါပေမယ့်
နင်ထင်သလိုမဟုတ်ဘူး.."
"ထင်တာမဟုတ်ဘူး မြင်တာ အဲ့ဒီနေရာ
မှာတင် နင့်ကိုဆွဲဆောင့်ရိုက်သတ်ပစ်ချင်တာ
ငါ့ကိုလာမစမ်းနဲ့မရဘူးမှတ်"
"ငါ လည်းနင့်ကိုတစ်ခါမှ မစမ်းဖူးပါဘူး"
"ဘာ "
" ရှုပ်ကုန်ပြီဟာငါဘယ်တုန်းက
လိမ်ခဲ့လို့လဲ သေချာစဉ်းစားပါဦး...
နင်ပဲငါ့ကိုလိမ်တာ"
"ဘာလိမ်လို့လဲ ဘာလိမ်လို့လဲ"
"လိမ်တယ်လေ ဗိုက်ခေါက် ဗိုက်ခေါက်"
"မသိဘူး ငါ့ကိုလာမအီနဲ့ အခုနင်လိမ်
တာ ရှင်းနေတာပဲ နင်နဲ့ငါပြတ်တယ် ဒါပဲ"
"နေပါဦးဟာ ငါပြောတာနားထောင်ပါဦး"
မရတော့ ချာ ခနဲလှည့်ထွက်သွားပြီ
တစ်ချက်မှပင်လှည့်မကြည့်..... ခြေလှမ်းတွေ
ဝေးသထက်ပိုဝေးသွားသည် ....
"အဲ့ဒါမျက်မမြင် ကြီး အဲဒါမျက်မမြင်ကြီးဟ"
အော်သံကိုသူမကြားပါ့မလား
သြော် ကမ္ဘာကြီးကရွာကြီးပမာဖြစ်နေသည်ပဲ
ဖုန်းဆက်ဖို့သူဦးနှောက်ကသတိရလိုက်သည်
" လူကြီးမင်း ခေါ်ဆိုသော ဖုန်းမှာ စက်ပိတ်
ထားပါသဖြင့်....."
" သေလိုက်စမ်းကွာ......"
"ဒီမယ် သူငယ် အန်ကယ့်ဘာသာ
ကိုယ့်လမ်းကိုလျှောက်နေတာ မင်းစကားပြော
ဆင်ခြင်ပါ...."
"ဟုတ် ဟုတ် အဲ မဟုတ်ဘူး လေ
အန်ကယ့်ကိုပြောတာမဟုတ်ဘူးဗျ "
"ဘယ်လိုကောင်တွေလည်းမသိဘူး
အူကြောင်ကျား နဲ့ ပန့်လိုလိုကြံ့ကြံ့ လိုလို
ဖွတ်လိုလို....."
"အွင်......"
+ + + +
"အချစ်မှာမျက်စိမရှိတာလား
စဉ်းစားဥာဏ်သိစိတ်မရှိအောင်
ရူးသွပ်စေတာလား
ပြောစမ်းပါ နတ်ဘုရားမလေးရယ်...
မင်းနှလုံးသားက လေးထောင့်စပ်စပ်ဆို
ငါ့ရဲ့လွတ်လပ်ခွင့်တွေကို
မင်းအတွက်ဘောင်ခတ်ပေးပါ့မယ်
ဘဝကိုကြက်ခြေခတ်ပြီး
ထောင့်ဖြတ်မျဉ်းတွေဆွဲလိုက်ဦးပေါ့ကွယ်
ပန်းသီးမဟုတ်တဲ့ငါဟာ
နယူတန်မမြင်တဲ့မင်းဆွဲအားမှာ ကျရှုံးခဲ့
ဂြီသြမေတြီပုစ္ဆ တစ်ခုလို
သက်သေပြခိုင်းရက်ခဲ့တယ်
့
ဟေ့ဒီမှာ...
အပြုံးလေးလှလို့ချစ်တာဆို
ငိုနေတဲ့အခါမုန်းရမလား
အသံလေးချို လို့ချစ်တာဆို
ရှိုက်နေတဲ့အခါ ရိုက်ရမလား
အမူအရာ ဟန်ပန်
သဏ္ဍာန်တွေကြောင့်ချစ်တာဆို
အိပ်ယာထဲနာမကျန်းဖြစ်တဲ့အခါ
ပစ်ထားခဲ့ရမှာလားကွယ်
ချစ်တာဟာ ချစ်တာပဲ
ချစ်တာပဲသိချင်ရဲ့
မေတ္တာ နဲ့သစ္စာ
ဒါသာရှိရင်လုံလောက်တယ်
မာန်မာနတွေထားခဲ့
ပကာသနတွေထားခဲ့
သံသယ ဓားတွေ သွေးသွေးပြီး
နာဖျားအောင်ဆေးမခပ်ချင်နဲ့ကွယ်
မယုံကြည်တာများတော့လည်း
မင်းသာပင်ပန်းနွမ်းနယ်မယ်..."
"အဲ့ဒါပဲကွာ ငါလည်းဘယ်လိုမှရှင်းပြချိန်
မရလိုက်ဘူး"
ကျနော့်စကားကို ခေါင်းပဲငြိမ့်ပြပြီး ထက်
အောင်က အသိအမှတ်ပြု သည် ခေါင်းပဲငြိမ့်
နိုင် မှာပေါ့ မျက်စိတွေနားတွေ လက်တွေကအား
မှမအားတာ....
ရင်ဘတ်ထဲဝေဒနာအစိုင်အခဲကြီးကို
ဂိမ်းဆိုင်ထဲမှာ ဂိမ်းဆော့ရင်းကျနော်ဖွင့်ဟ
နေမိခြင်းဖြစ်သည်...
ကျနော်မခံစားရဘူးဟုထင်လျှင် သင်လုံးဝ
မှားသွားပါလိမ့်မည် မိတ်ဆွေ...သူမသည် ကျနော်
နတ်ဘုရား... စေလို ရာကစားနိုင် ခွင့်ကျနော်
ပေးထားသူဖြစ်သည် အရက်မသောက်တတ်
သဖြင့် ဂိမ်းကစားပြီးကျနော်အသည်းကွဲနေခြင်း
သာဖြစ်ပါသည်...(မှတ်ကြကုန် )
"မင်းဖုန်းမဆက်ဘူးလားဟ"
"ဆက်တယ် မရဘူး ကွ ဆင်းကတ်တစ်
ခုကို ဆယ့်ငါးသိန်းမှမဟုတ်တော့တာကွာ
သူကတ်ပြောင်းလိုက်ပြီဖြစ်မှာပေါ့ "
"အဲ့ဒါဆိုသေချာပြီ ရည်းစားအသစ်ရသွား
လောက်ပြီ"
"မင်းမေ ဂွေးသီး ဖွဟဲ့လွဲပါစေ "
"မလွဲဘူး ကွတ်တိပဲ ကြည့် ဟောဒီမှာ"
အရေးထဲသကောင့်သားက စနိုက်ပါချိန်
ပြီးပစ်ပြနေသေးသည်
"တွေ့လား ဟားဟား တစ်ကောင်
တော့ဂိသွားပြီ...."
"အဲ့သလောက်တော်နေလည်းလောက်
ကိုင်သွားပါလားကွာ"
"ဟီးဟီး ဒါက ဂိမ်းလေ....."
"ဟွန့် ....."
+ + + +
"ဖြည်းဖြည်းရယ်ပါ ချစ်ရယ် မင်းသွားတွေ
ကျွတ်ပြီးကိုယ့်ဖင်ခေါင်းလာစိုက်နေဦးမယ် "
"သေနာဂျီး"
"သေရင်မနာတော့ဘူးကလေးရဲ့ မှတ်ထားဦး
ငတုံးလေး"
"အရူးကြီး"
"အီရူးမဂျီး"
"ငီပေါဂျီး "
"ငီပေါ မလေး အဟေးဟေး"
"အဟင့်ဟင့် ကိုနော် နို လိုက်မှာ"
"နိုပေါ့ နီနိုရင် နာ ကျီနတ်ဒယ် ခ်ခ်"
ရယ်သံတွေ ဖြတ် သန်း ပြေး ဖူးသောကန်ရေပြင်သည် ယခုတော့ ကသိုဏ်းရှုစရာအဝိုင်းတစ်ခုပမာ......ငေးမောစွာ
ကျနော်ကြည့်ရင်း လွမ်းမိသည်....
ကိုယ်တကယ်နားမလည်နိုင်ဘူးကွာ
မင်းဟာအဖြစ်အပျက်တစ်ခုကိုရှင်းပြလို့
မရနိုင်လောက်အောင် နားလည်မှုမရှိသူလည်း
မဟုတ်ပါဘူး...ထက်မြက်ပြီးသွက်လက်ပွင့်လင်း
တဲ့ ချစ်စရာမိန်းကလေးတစ်ယောက်ပါ
ဒါနဲ့များ ....
"တိုကြီး "
ကြည့်လိုက်တော့အဝတ်အစားအနွမ်းအ
ဟောင်းလေးနှင့်တောင်းရမ်းစားနေသော ကလေးမ
လေးတစ်ယောက်....
"သြော်ညီမလေး ကိုကြီး မှာ ပြန်ဖို့ကားခနှစ်ရာ
ပဲကျန်တော့တယ်ကွာ...နောက်နေ့လာမှကိုကြီး
ပေးမယ်နော်...."
"ဘာချင့် ဘာချ ခါးကျောထှာရဲ တမီး က
စာလာပေးတာချင့် "
"အွင် ...ဘာစာတုန်း"
"မမဂျီး တစ်ယောက်က တိုဂျီးကိုဒီစာပေး
လိုက်ပါချို ရို့ အင့် "
"....ဘာပါလိမ့်"
"နောက်တီခါ လူတကာကိုအီထင် မသေးနဲ့
တမီးကဈေးရောင်းနေထှာချင့် တွားပီ"
"တိန်...."
သူရင်ထိတ်ထိတ်ဖြင့်လက်ရေးမလှသည့်
စာရွက်ကလေးကိုစတင်ဖတ်လိုက်မိသည်
သို့/ ကိုကို
ကို ညီမ အပေါ် ဘယ်တုန်းကမှသစ္စာ
မဖောက်ခဲ့တာ ညီမလေးသိပါတယ်...
ဒါပေမယ့်ကို ရယ်....
ညီမလေးမှာလက်ထပ်ရမယ့်သူရှိတာ
ကို့ ကိုဘယ်လိုပြောထွက်ရက်မှာလဲ မိဘတွေ
ကို ညီမလေးမလွနိဆန် နိုင်ဘူး
ညီမလေးကို့ ကိုသံယောဇဉ်ရှိပါတယ်
ကို့ကိုမနာကျင်စေချင်လို့အထင်လွဲဟန် ဆောင်
လိုက်မိတာပါ...ညီမလေးကိုခွင့်လွှတ်ပါနော်
ဒီစာကိုကိုဖတ်ပြီးချိန် မှာ
ဟိုတယ်တစ်ခုမှာ ညီမလေးမင်္ဂလာဆောင်နေပါ
ပြီ...
ကိုပြောပြဖူးတဲ့ဟာသတွေကိုညီမလေး
တစ်သက်လုံးအမှတ်ရနေမယ်နော်
ချစ်တဲ့
(ညီမလေး)
"ဗြိ,,,,,"
"တောက် !"
ကိုယ့်ဟာကိုယ်မင်္ဂလာဆောင်ချင်တာများ
ငါကပဲသစ္စာဖောက်သလိုဖြစ်ရတယ်လို့
ရယ်စရာကောင်းလိုက်တာ...
ဟားဟားဟား .....
မင်းတော်တယ်ကွာ
မင်းသိပ်တော်ပါတယ် ပန်းသံစဉ်.....
စက္ကူ အပိုင်းအစများ လေထဲတွင်ပျံဝဲသွား
ကြသည် ....
တစ်ချို့ တစ်ဝက်သည် ခုံပြာတန်းပေါ်
တစ်ချို့ တစ် ဝက် သည် မြက်ခင်းစပ်
တစ်ချို့ တစ်ဝက် သည် ကန်ရေပြင်မျက်နှာ
...အသီးသီးလဲလျောင်းငြိမ်သက်သွားကြ
သည်...
နှလုံးသားတစ်ခုသာ ရှက်ခြင်းဖြင့်တဆတ်
ဆတ်တုန်ခါလှုပ်ရမ်းလျက်......
+ + + + +
"ချ ပ်"
သစ်ပင်နောက်ကွယ် မှ ကင်မရာ တဖျတ်ဖျတ်ရိုက်သံကို ကိုကြားလိမ့်မည်မထင်ပါ
လက်သီးဆုပ်ထားသော်လည်းမျက်ဝန်းတို့
စွတ်စိုနေသော ကို့ ကို ပန်းသံစဉ်မြင်နေရသည်
ခွင့်မလွှတ်ပါနဲ့ကို ရယ်..ညီမကိုဘယ်တော့
မှခွင့်မလွှတ်ပါနဲ့....
ညီမလေးအထင်လွဲတာတကယ်မဟုတ်
ဘူးဆိုတာကို့ သူငယ်ချင်းထက်အောင်ပြောပြလို့
အားလုံး သိခဲ့ရပါပြီ....ဒါပေမယ့်
ကို နဲ့လုံးဝပေါင်းစပ်လို့မရနိုင်တဲ့ကံကြမ္မာ
ဆိုးကြီးညီမလေးမှာရှိနေတယ်ကို......အဲ့ဒါ
ကတော့ သွေး ကင်ဆာဆိုတဲ့ရောဂါ ကြီးပါပဲ
သံစဉ်လေ....
သံစဉ် ....ကို့ကို
+ + + +
"ဘာတွေစဉ်းစားနေတာလဲ ဦးဇင်း....."
"သြော်....ဒကာ ကြီး ထက်အောင်ပါလား
လာလေ ကျောင်းပေါ်တက်"
"တင်ပါ့ မတက်တော့ပါဘူးဦးဇင်းဘုရား
တပည့်တော်လမ်းသင့်လို့ဝင်လာခဲ့တာပါ
နောက်ပြီး ပြောစရာလည်းရှိလို့.."
"ဘာများလဲ....."
" ဟို လေ ပြောသင့်  လားတော့မသိဘူး
ပန်းသံစဉ်ဆုံးပြီ......."
"ဟင်......"
သွေးကင် ဆာ ရော ဂါနဲ့တဲ့"
"...........
.............""
+ + + +
{နှစ်ရှည်ကြာပြီ ရာသီလွင့်ဟောင်း
ချိန်ကြာညောင်းလည်း
ပြန်အောက်မေ့တိုင်းဝမ်းနည်းသည်}
>>>>>ခေဝံ့ခေ<<<<
Posted via Blogaway
No comments:
Post a Comment